Davlat dumasi yalpi majlisda Rossiyaga vizasiz kelayotgan chet el fuqarolari uchun kirish yigʻimlarini joriy etish toʻgʻrisidagi qonun loyihalarini rad etdi.
Rossiyada 5-fevraldan boshlab mamlakatda noqonuniy boʻlib turgan xorijliklar maxsus reyestrga kiritiladi va bir qator huquqlardan, jumladan, yashash joyini oʻzgartirish va bank xizmatlaridan foydalanish imkoniyatidan mahrum qilinadi. Agar takroran qoidabuzarlik sodir etilsa, ular deportatsiya qilinishi va IIV maxsus muassasasiga joylashtirilishi mumkin.
Rossiya Taʼlim vazirligi migrantlar farzandlarini maktabga qabul qilish talablarini kuchaytirishni taklif qildi. Yangi qoidalar 2025-yil 1-apreldan kuchga kiradi va 2026-yil 1-martgacha amal qiladi.
AQSH Immigratsiya va bojxona xizmati hisobotiga koʻra, 2024-yil noyabr oyida deportatsiya roʻyxatiga 975 nafar Oʻzbekiston fuqarosi kiritilgan. Turli mamlakatlardan jami 1,5 millionga yaqin muhojirlar surgun qilinmoqda.
AQSH Senati mayda jinoyatlarda ham qoʻlga tushgan noqonuniy muhojirlarni deportatsiya qilishni nazarda tutuvchi “Leyken Rayli qonuni”ni maʼqulladi.
AQSHning saylangan prezidenti Donald Tramp lavozimga kirishganidan soʻng tarixdagi eng keng koʻlamli noqonuniy muhojirlarni deportatsiya qilish operatsiyasini oʻtkazishini avvalroq maʼlum qilgandi. Maʼmuriyat 21-yanvardan boshlab oʻz vazifalarini bajarishga kirishadi.
Asosiy voqealardan birinchi boʻlib xabar topish uchun Telegram kanalimizga obuna boʻling.