O‘zgidromet haftalik ob-havo ma’lumotini taqdim etdi.
Harorat asosan 38-40o, janubda 42o gacha bo‘ladi. Faqat shimoli-g‘arbiy viloyatlar va cho‘l zonasida ertaga kunduzi harorat 2-3o ga pasayadi.
13-avgust chorshanba kuni haroratning pasayishi O‘zbekistonning barcha hududlariga tarqala boshlaydi. Ammo issiqlikning sezilarli pasayishi ish haftasining ikkinchi yarmida kutilmoqda, bu vaqtda respublika hududining katta qismida harorat 34-37o gacha pasayadi, faqat eng chekka janubda 40o gacha yetadi.
Ushbu kunlarda yog‘ingarchilik kutilmaydi. Faqat Qoraqalpog‘istonda 13-avgustda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol sharqdan 7-12 m/s tezlikda esadi, ba’zi joylarda 13-18 m/s gacha kuchayishi, ayrim joylarda chang-to‘zonlar kuzatilishi mumkin.
Toshkentda asosan kam bulutli ob-havo kuzatiladi. Shamol sharqdan 3-8 m/s tezlikda esadi, 10-12 m/s gacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi 21-23°, kunduzi 11-12 avgustda 38-40°, 13 avgustda 36-38°, 14-15 avgustda 34-37° bo‘ladi.
