Мирзо Улуғбек тумани суди томонидан 22 ёшли фуқаро А.Х.га ҳукм ўқилди. Бу ҳақда Сукут сақлама лойиҳаси хабар берди.
Воқеа июнь ойида содир бўлган. 16 ёшли жабрланувчи дорихонадан уйига қайтаётган эди. У ортидан келаётган йигитни пайқамаган. Бинога кираверишда йигит қизга ҳужум қилиб, оғзини ёпиб, ўпмоқчи бўлган. Қиз бошқаларни ёрдамга чақира бошлаган, шундан сўнг йигит қочиб кетган.
Фуқаро А.Х. Ўзбекистон Республикаси ЖКнинг 277-моддаси 3-қисми «а» банди (Безорилик) билан айбли деб топилди. У уч йиллик қамоқ жазосига ҳукм қилинди.
Суд адолатли қарор чиқарди ва судланувчининг ижтимоий хавфлилигини инобатга олди, — дейилади хабарда.
Тошкентда 16 ёшли қизга ҳужум қилган йигитга ҳукм ўқилди
Тошкент шаҳрининг Юнусобод туманида 2023 йил июнь ойида ёш йигит 16 ёшли қизнинг орқасидан турар-жой биноси кириш қисмига югуриб кириб, уни мажбуран ўпмоқчи бўлган. Жиноятчи 3 йилга озодликдан маҳрум этилди.
