Ҳудудларда узагролаб.уз платформасига интеграция қилинган 20 та мобил лаборатория ташкил этилади.
Шунингдек, республикага ноқонуний пестицидларни олиб кириш ва сотиш тақиқланади. Шу билан бирга, бундай моддаларнинг айланиши рақамлаштирилмоқда.
Қишлоқ хўжалиги маҳсулотлари экспортини қимматроқ бозорларга йўналтириш режалаштирилмоқда. Яна саккизта давлатдан фитосанитар рухсатномалар олиш режалаштирилган.
Тошкент, Фарғона ва Самарқанд аэропортларида қишлоқ хўжалиги маҳсулотларини экспорт қилиш учун замонавий инфратузилма яратилади.
Халқаро экспертлар кўмагида ҳар бир турдаги маҳсулотни етиштириш, сақлаш, қадоқлаш ва ташиш бўйича йўриқномалар ишлаб чиқилади.
6 минг боғ, 3 мингдан ортиқ токзор ва далалар, шунингдек, 340 дан ортиқ қадоқлаш корхонаси хорижий талабларга мослаштирилади.
Зараркунандаларга қарши самарали курашувчи ҳашаротларни (энтомофаглар) жорий этиш кутилмоқда.
Йиғилишда ўтган йили республика қишлоқ хўжалиги 4,1 фоизга ўсгани, маҳсулот экспорти қарийб 2 млрд долларга етгани таъкидланди.
Ўтган йили хорижий ташкилотлар томонидан соҳага йўналтирилган сармоялар қарийб 20 млн долларни ташкил этди.
