Бугун, 12 март куни соат 09:56 да Фавқулодда вазиятлар постига мактаб ёнидаги бинода ёнғин чиққани ҳақида хабар келиб тушди. Фавқулодда вазиятлар вазирлиги Андижон вилоятининг Олтинкўл туманида содир бўлган воқеа тафсилотларини маълум қилди.
Соат 10:00 да воқеа жойига 6 нафар ёнғин-қутқарув гуруҳи етиб келди, соат 10:05да ёнғин маҳаллийлаштирилди, 10:14 да тўлиқ ўчирилди.
Ёнғин оқибатида бир қаватли ошхонанинг том қисми зарар кўрган, ёнғин майдони 85 квадрат метрни ташкил этган. Ёнғин оқибатида қурбонлар йўқ.
