Давлат хавфсизлик хизмати ходимлари Тошкент ва Самарқандда озодликдан маҳрум қилиш билан боғлиқ бўлмаган жазоларни енгиллаштириш ёки алмаштириш эвазига пул ундираётган адвокатларни қўлга олди. Бу ҳақда ДХХ матбуот хизмати хабар бермоқда.
Жумладан, адвокатлик бюроси адвокати ва қурилиш соҳасида фаолият юритувчи МЧЖ юристи ўзаро келишган ҳолда 2021 йилда судланган фуқаронинг жазосини 8 йил 6 ойга алмаштириб беришни таклиф қилган. Улар бунинг 75 минг доллар сўраган. Ҳуқуқ ҳимоячилар сўралган суммани олаётган вақтда қўлга олинган.
Қайд этилишича, мазкур адвокат 2015-2020 йилларда фуқаролик ишлари бўйича Бекобод туманлараро судининг судьяси бўлиб, МЧЖ юристи эса 1999-2003 йилларда жиноят ишлари бўйича Бухоро вилоят суди ходими сифатида фаолият юритган.
Яна бир ҳолатда, илгари Тошкентда фирибгарликда айбланиб судланган адвокат суд тизимидаги алоқалари орқали жазони енгиллаштириш эвазига 17 минг доллар олган вақтида ашёвий далиллар билан ушланган.
Самарқандда жиноят иши бўйича гумон қилинувчи шахсга нисбатан қамоққа олиш тарзидаги эҳтиёт чорасини қўлламаслик учун прокуратурадаги танишлари орқали ёрдам сўраш учун 2 минг АҚШ доллари талаб қилган адвокат қўлга олинди.
Қайд этилишича, мазкур шахсларга нисбатан Жиноят кодексининг 168-моддаси (фирибгарлик) ва 28,211-моддаси (пора бериш) билан жиноят ишлари қўзғатилиб, қамоқ эҳтиёт чораси қўлланилган.
ДХХ Тошкент ва Самарқандда адвокатларнинг ноқонуний ҳаракатларига чек қўйди
Давлат хавфсизлик хизмати ходимлари Тошкент ва Самарқандда озодликдан маҳрум қилиш билан боғлиқ бўлмаган жазоларни енгиллаштириш ёки алмаштириш эвазига пул ундираётган адвокатларни қўлга олди.
![ДХХ Тошкент ва Самарқандда адвокатларнинг ноқонуний ҳаракатларига чек қўйди](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F04%2Fphoto_2024-04-07_18-58-59.jpg&w=1536&q=75)