9 сентябрь куни Трабзон шаҳрида Ўзбекистоннинг фахрий консуллиги очилди, дея хабар бермоқда Ўзбекистоннинг Туркиядаги элчихонаси матбуот хизмати.
Дипломатик миссия Трабзон вилояти маъмурияти биноси олдида жойлашган.
«Янги фахрий консуллик ушбу ҳудудда фуқароларимизнинг ҳуқуқ ва қонуний манфаатларини ҳимоя қилишга ёрдам беради, шунингдек, Трабзон ва мамлакатимиз ҳудудлари ўртасидаги савдо-иқтисодий ва маданий-гуманитар ҳамкорликни янги босқичга олиб чиқади», — дейилади хабарда.
Аввалроқ Бурса, Адана ва Анталия вилоятларида фахрий консулликлар очилган эди, дея аниқлик киритди Ўзбекистоннинг Истанбулдаги бош консуллиги.
