UzAuto Motors Chevrolet Cobalt автомобиллари учун шартномалар беришни бошлашини эълон қилди, деб хабар берди компания матбуот хизмати.
Ишлаб чиқарилган барча автомобиллар учун шартномалар бериш 22 ноябрь куни соат 10:00 да бошланади. UzAuto Motors Chevrolet Cobalt автомобилининг GX-STYLE AT PLUS ва GX-MIDNIGHT AT комплектациялари учун шартномалар беришни бошлайди.
«Автомобиль сотиб олиш шартномасини фақат онлайн тарзда расмийлаштириш мумкин бўлади. Эътиборингизни қаратамизки, бу кунларда барча Chevrolet дилерлик марказлари сотув тизимидан узилади ва бутунлай ёпилади», — дейилади хабарда.
Автомобиллар учун шартномаларни фақат UzAutoSavdo иловаси (iOS/Android) ҳамда savdo.uzavtosanoat.uz сайти орқали расмийлаштириш мумкин.
Telegram-бот фақат навбатни кузатиш хизмати ва мавжуд автомобиллар ҳақидаги маълумотларни тақдим этади.
Саволлар туғилганда, компания call-марказнинг +998-78-141-7777 рақамига мурожаат қилишни тавсия этади.
