Oʻzbekistonda elektr energiyasi tariflariga oʻzgartirishlar kiritildi va energiya resurslari narxlarini indeksatsiya qilish joriy etiladi. Vazirlar Mahkamasining qaroridan kelib chiqadi.
Hujjat prezident topshiriqlariga muvofiq ishlab chiqilgan va ilgari tasdiqlangan tariflarni oshirish jadvaliga yengilliklar kiritadi.
201 dan 1000 kVt/soatgacha elektr energiyasi isteʼmoli uchun tabaqalashtirilgan tarifga qoʻshimcha gradatsiya kiritilmoqda.
1-maydan boshlab isteʼmolchilar 201 dan 500 kVt/soatgacha boʻlgan diapazondagi har bir kVt/soat uchun 800 soʻm toʻlaydilar (bungacha 200 kVt/soatdan yuqori boʻlgan barcha isteʼmol uchun 900 soʻm toʻlanardi).
Misol uchun, oyiga 500 kVt/soat elektr energiyasi isteʼmol qiladigan xonadon 1-maygacha 360 ming soʻm (bazaviy 200 kVt/soat uchun 90 ming soʻm va qolgan 300 kVt/soat uchun 270 ming soʻm) toʻlaydi. Tariflar oʻzgarganidan keyin bu summa oʻzgarmaydi: dastlabki 200 kVt/soat uchun 120 ming soʻm va 300 kVt/soat uchun 240 ming soʻm - oʻsha 360 ming soʻm.
1-maydan boshlab quyidagi tariflar belgilanadi:
ovqat tayyorlash uchun elektr plitalar bilan markazlashtirilgan holda jihozlangan koʻp kvartirali uylarda va yotoqxonalarda yashovchi maishiy isteʼmolchilar uchun yangi tariflar belgilanadi:
oyiga 200 kVt/soatgacha - 1 kVt/soat uchun 300 soʻm;
oyiga 201 dan 500 kVt/soatgacha - 400 soʻm;
oyiga 501 dan 1000 kVt/soatgacha - 500 soʻm;
oyiga 1001 dan 5000 kVt/soatgacha - 750 soʻm;
oyiga 5 001 dan 10 000 kVt/soatgacha - 875 soʻm;
Oyiga 10 001 kVt/soat va undan yuqori - 1000 soʻm.
qolgan isteʼmolchilar uchun:
oyiga 200 kVt/soatgacha - 1 kVt/soat uchun 600 soʻm;
oyiga 201 dan 500 kVt/soatgacha - 800 soʻm;
oyiga 501 dan 1000 kVt/soatgacha - 1000 soʻm;
oyiga 1001 dan 5000 kVt/soatgacha - 1500 soʻm;
oyiga 5 001 dan 10 000 kVt/soatgacha - 1750 soʻm;
Oyiga 10 001 kVt/soat va undan yuqori - 2000 soʻm.
Shuningdek, elektr energiyasi va tabiiy gaz narxlari 1-maydan boshlab yiliga bir marta, yillik inflyatsiya darajasining 10 foizidan koʻp boʻlmagan miqdorda indeksatsiya qilinadi.
