Germaniyadagi vatandoshlar orasida o‘zbek tilining nufuzini oshirish maqsadida Frankfurt-Mayn shahrida yakshanba kuni o‘zbek tili maktabini ochish rejalashtirilmoqda. Bu masala shahar g‘aznachisi va Frankfurt meriyasining moliya, investitsiyalar va kadrlar bo‘limi boshlig‘i Bastian Bergerxoffning KAV xorijliklar munitsipal vakolatxonasi raisi o‘rinbosari Diana Advich bilan uchrashuvida muhokama qilindi.
Muzokaralar Xalqaro ona tili kuniga bag‘ishlangan yarmarka doirasida bo‘lib o‘tdi. Tadbirda shanbalik maktablari, til va madaniyat markazlari, shuningdek, o‘zbek tilining tarixi va rivojlanishi haqida hikoya qiluvchi stend namoyish etildi. Uni O‘zbekistonning Frankfurt-Mayn shahridagi Bosh konsulxonasi, “O‘zbegoyim” ayollar klubi va “Vatandoshlar” jamg‘armasi tashkil etdi.
Avvalroq Germaniyada 14–16 fevral kunlari bo‘lib o‘tadigan 61-Xavfsizlik bo‘yicha Myunxen konferensiyasiga start berilgandi. Dunyo yetakchilari mudofaa va xavfsizlikning asosiy masalalarini muhokama qiladilar. E’tibor markazida Rossiya-Ukraina urushi va uni hal qilish istiqbollari.
