Qoʻqondagi mehmonxonada qiz bola zoʻravonlikka uchradi: gumonlanuvchi qamoqda
Qoʻqonda mehmonxonalardan birida 13 yoshli qizga nisbatan jinsiy zoʻravonlik sodir etilgani yuzasidan jinoyat ishi qoʻzgʻatildi. Gumonlanuvchi ushlangan va qamoqda saqlanmoqda, jabrlanuvchi bilan psixologlar va yuristlar ishlamoqda.
Tafsilotlarni Ijtimoiy himoya milliy agentligining Fargʻona viloyati boshqarmasi maʼlum qildi.
Idora maʼlumotlariga koʻra, voqea 28-sentabr kuni sodir boʻlgan. Ertasi kuniyoq Qoʻqon shahar prokuraturasi oʻn olti yoshga toʻlmagan shaxs bilan jinsiy aloqa qilish moddasi — Jinoyat kodeksi 128-moddasi 3-qismi «a» bandi bilan jinoyat ishi qoʻzgʻatdi.
Gumonlanuvchi ushlandi, 30-sentabr kuni unga nisbatan qamoqqa olish ehtiyot chorasi qoʻllandi. Ekspertizalar tayinlandi, tergov davom etmoqda.
Qizga psixologlar va yuristlar yordam bermoqda: ular uning huquq va manfaatlarini himoya qilib, oʻziga kelishiga koʻmaklashmoqda. Vaziyat agentlik xodimlari nazoratida.
Avvalroq Toshkentda bir talaba voyaga yetmagan shaxs bilan jinsiy aloqa qilgani uchun uch yillik uy qamogʻiga hukm qilingani xabar qilingan edi.
Добавьте Vzglyad.uz в предпочтительные источники Google. Это бесплатно и занимает 5 секунд, а для нас — лучшая поддержка и мотивация работать ещё лучше.