Тошкент шаҳар мактабгача ва мактаб таълими бошқармаси томонидан аҳолидан тушган мурожаатларга жавоб қайтарилиб, рус ва ўзбек тилларида ўқитиладиган фан ўқитувчиларига эҳтиёж ўрганилди.
Маълум бўлишича, ўқитувчиларнинг энг катта танқислиги физика, география, кимё, биология, чизмачилик ва информатика фанларида экан. Февраль ойи ҳолатига кўра, мактабларда 354 нафар, жумладан, рус тилидаги мактабларда 282 нафар ўқитувчи етишмайди.
2023-2024 йилларда Низомий номидаги Тошкент педагогика университетини Тошкент шаҳрида доимий яшовчи 1668 нафар талаба тамомлайди, шундан 1068 нафари ўзбек гуруҳлари, қолган 600 нафари рус тили ўқув гуруҳлари битирувчилари бўлиб, етишмаётган таълим муассасаларига ишга жойлаштирилиши режалаштирилган.
Бундан ташқари, ўқитувчиларга бўлган эҳтиёж қисман амалиёт шаклида дарс берадиган талабалар ҳисобидан қопланади.
Тошкентда русийзабон ўқитувчилар етишмаслиги муаммоси ҳал этилади
Ижтимоий тармоқларда Мирзо Улуғбек туманидаги рус тилидаги мактабларнинг айрим синфларида физика, кимё, биология каби фанлардан ўқитувчилар етишмаслиги танқид қилинди. Тошкент шаҳар мактабгача ва мактаб таълими бошқармаси ушбу хабарларга муносабат билдирди.
![Тошкентда русийзабон ўқитувчилар етишмаслиги муаммоси ҳал этилади](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F03%2F38547056_0_0_3072_2048_1440x900_80_0_1_b710cd0f7a0a16d72d77f009205209ee.jpg.png&w=1536&q=75)