Бош прокуратуранинг Тошкент шаҳар бошқармаси томонидан ўтказилган тергов ҳаракатлари давомида «Г.К» МЧЖ раҳбарлари ва бошқа шахслар тижорат банки филиалидан 18 млрд сўм миқдорида кредит олгани аниқланди. Улар корхонага 30 дона «Howo» русумли махсус техникани етказиб бермай туриб, кредит маблағларини ўзлаштириш йўли билан ўғирлик содир этган.
Худди шундай, Қўнғирот тумани бўлими томонидан ўтказилган терговга қадар текширув давомида «А.В» масъулияти чекланган жамияти мансабдор шахслари томонидан тижорат банки филиали томонидан ажратилган кредит маблағлари эвазига сотиб олинган 85 бош қорамол сотилганлиги аниқланди. Шундай қилиб, улар 2,5 млрд сўмни ўзлаштириб, 787,4 млн сўм солиқ тўлашдан қасддан бўйин товлаган.
Бундан ташқари, банк оператив департаменти раҳбарлари кредит гарови сифатида 3,5 млрд сўмлик кўчмас мулкни асоссиз равишда сотиб юборгани маълум бўлди.
Ҳолат юзасидан Жиноят кодексининг тегишли моддалари билан жиноят иши қўзғатилган. Ҳозирда тергов ҳаракатлари олиб борилмоқда.
