Ижтимоий тармоқларда Сурхондарё вилояти Олтинсой туманидаги 59-мактаб ўқувчилари ўртасидаги муштлашув видеоси тарқалди.
Вилоят ИИБ матбуот хизмати воқеа жорий йилнинг 9 апрель куни 59-мактаб яқинида содир бўлганини маълум қилди. Ўсмирлар бирлашиб, олдиндан келишиб, ҳеч қандай сабабсиз Қизилтепа маҳалласида яшовчи, илгари таниш бўлмаган фуқаро билан жанжаллашиб қолишган.
Ўзаро жанжал чоғида вояга етмаганлар унинг танасининг турли жойларига уриб, юзига тепиб, тан жароҳати етказган. Видеода безорилардан бири бошқа ўсмирни ҳам муштлаб, тепади.
Мазкур ҳолат юзасидан Жиноят кодексининг 277-моддаси 2-қисми «б» банди (Бир гуруҳ шахслар томонидан безорилик) билан жиноят иши қўзғатилган.
