Тошкент шаҳрининг Яшнобод ва Сергели туманларида режалаштирилган таъмирлаш ишлари олиб борилади ва шу сабабли газ таъминоти вақтинча тўхтатилади. Бу ҳақда «Ҳудудгазтаъминот» АЖ матбуот хизмати хабар берди.
Қуйидаги ҳудудлар газсиз қолади:
Яшнобод тумани, соат 10:00 дан 17:00 гача: С.Машҳадий кўчасида саккизта кўп қаватли уйдаги 364 та хонадон, 10 та улгуржи истеъмолчи;
Сергели тумани, соат 10:00 дан 16:00 гача: Замахшарий, Зарҳал ва Хонариқ кўчаларида 382 та хусусий уй ва тўртта улгуржи истеъмолчи.
