Шавкат Мирзиёев пойтахтимизнинг Яккасарой туманида бунёд этилган сув спорти саройини кўздан кечирди, дея хабар бермоқда давлат раҳбари матбуот хизмати.
Мажмуа сув спорти ривожланган мамлакатлар тажрибаси асосида қурилган. Эътиборлиси, бу ерда ҳам профессионал спортчилар, ҳам ҳаваскорлар учун шароит яратилган. Шу билан бирга, сарой кунига юз кишига ва мингдан ортиқ кишига хизмат кўрсатиши мумкин.
50 метрли бассейн ва 500 ўринли томошагоҳга эга катта залда халқаро миқёсдаги мусобақалар, терма жамоамизнинг ўқув-машғулот йиғинларини ўтказиш учун замонавий шароитлар бор.
Баландликдан сакраш ва кичик ҳавзаларда болалар сув спортини ўрганади. Бундан ташқари, мажмуада ёш спортчилар машқ қиладиган сув спорти мактаби фаолият юритмоқда.
Мажмуа Ўзбекистон Касаба уюшмалари федерациясига тегишли бўлиб, унинг 13 нафар спортчиси Париждаги ёзги Олимпия ва Паралимпия ўйинларида иштирок этиш учун лицензия олган. Президент улар билан ўйинларга тайёргарликни муҳокама қилди.