Жаҳон банкининг янги ҳисоботига кўра, Ўзбекистон 2024 йилда Европа ва Марказий Осиёнинг энг тез ривожланаётган иқтисодиёти учлигига кирди. Ҳужжатда айтилишича, минтақа иқтисодиёти бир қатор инқирозлардан кейин барқарорлашмоқда, аммо унинг ўсиш суръатлари 2000 йиллар бошига нисбатан пастлигича қолмоқда. Хусусий истеъмол ва иш ҳақининг ўсиши иқтисодий ўсишнинг асосий ҳаракатлантирувчи кучлари бўлиб қолмоқда.
Минтақа мамлакатлари орасида 2024 йилда ЯИМнинг энг тез ўсиши:
Грузия (7,5%),
Тожикистон (7,2%) ва
Ўзбекистонда (6%).
2025 йилга мўлжалланган прогноз Ўзбекистон ялпи ички маҳсулотнинг ўсиш суръатлари бўйича 5,8 фоизга етиб, етакчи ўринни эгаллаши мумкинлигини кўрсатмоқда.
Украина ва Россия, аксинча, яқин йилларда иқтисодий ўсишнинг секинлашишига дуч келади, бу эса можаро оқибатлари ва ресурслар тақчиллиги каби ички ва ташқи таҳдидлар билан боғлиқ. Туркияда ҳам бу йил ўсиш суръатлари 3,2 фоизгача пасайиши кутилмоқда.
Маърузанинг алоҳида қисми инсон капиталининг минтақадаги ролига бағишланган. Таъкидланишича, ўрта ва олий таълим сифати унумдорликни ошириш ва меҳнат бозори талабларига жавоб бериш учун яхшиланишни талаб қилади.
