Президент Шавкат Мирзиёев бугун, 19 август куни Қорақалпоғистон Республикасига ташриф буюради. Бу ҳақда президент матбуот котиби Шерзод Асадов маълум қилди.
Сафар давомида саноат корхоналари, IT ва ижтимоий соҳа объектларини кўздан кечириш, маҳаллаларда аҳоли ҳаёти билан танишиш режалаштирилган. Янги мажмуалар ишга туширилиб, навбатдаги лойиҳалар бошланади.
20 август куни Нукус шаҳрида Ўзбекистон президентининг тадбиркорлар билан мулоқоти бўлиб ўтади.
