Туркия Исроил президенти Ицхак Герцогнинг Озарбайжонга учаётган самолёти ҳаво ҳудудидан ўтишига рухсат бермади. Бу ҳақда 17 ноябрь куни Milliyet газетаси дипломатик манбаларга таяниб хабар берди.
Тақиқ натижасида Ицхак Герцог БМТнинг иқлим бўйича саммитида (CОP29) иштирок этишни режалаштирган Бокуга ташрифини бекор қилди. Исроил томони сафарни кўчириш тўғрисидаги қарор вазиятни таҳлил қилиш ва хавфсизлик нуқтаи назаридан қабул қилинганини таъкидлади.
Аввалроқ 13 ноябрь куни Туркия президенти Ражаб Тоййиб Эрдўғон Фаластин томонини тўлиқ қўллаб-қувватлаб, Исроил билан муносабатларнинг узилганини эълон қилган эди.
