2025-yilda tug‘ilgan bolalar yangi “beta” avlodining birinchi vakillari bo‘ladi, deb yozadi Amerikaning New York Post (NYP) nashri demograf Mark Makkrindlga tayanib.
“Taxminan 2039-yilgacha davom etadigan “beta” avlodi 2010-yildan 2024-yilgacha davom etgan "alfa" avlodidan keyin keladi”, — deyiladi maqolada.
Makkrindlning fikricha, bolalarning yangi avlodi iqlim o‘zgarishi, global aholi migratsiyasi va jadal urbanizatsiya kabi “jiddiy ijtimoiy muammolar” bilan kurashayotgan dunyoni meros qilib oladi.
Shuningdek, demografning qo‘shimcha qilishicha, 2035-yilga borib “beta” avlodi dunyo aholisining 16 foizini tashkil qiladi.
