Bugun Xitoyning Xarbin shahrida IX qishki Osiyo oʻyinlarining tantanali ochilish marosimi boʻlib oʻtdi. Oʻzbekiston terma jamoasi bayroqdorlari sifatida togʻ-changʻi alpinistlari Jasur Shamsiddinov va Feruza Boboqulova tanlandi.
Musobaqada 24 nafar oʻzbekistonlik sportchi 6 ta yoʻnalish — short-trek, konki va togʻ changʻisi, togʻ-changʻi, figurali uchish va biatlon boʻyicha ishtirok etadi.
Oʻyinlarning rasmiy ochilishi oldidan saralash musobaqalari oʻtkazildi. Oʻzbekiston vakili Daniil Yeybog short-trek bahslarini muvaffaqiyatli boshladi. U 1500 metrga yugurishda 2:30.60 natija bilan yarim finalga yoʻl oldi. 500 va 1000 metrga yugurish boʻyicha saralash bahslarida Yeybog mos ravishda 41.143 soniya va 1:29.268 daqiqa natija koʻrsatib, ikkinchi oʻrinni egalladi va chorak finalga yoʻl oldi.
