Ўзини ўзи банд қилган шахс сифатида рўйхатдан ўтиш учун Soliq мобил иловасини юклаб олиш кифоя. Ўзини ўзи банд қилган фуқаролар солиқ тўлашга мажбур эмас. Бироқ, агар улар меҳнат стажини ҳисобга олишни истасалар, 1 декабргача БҲМнинг 1 бараваридан кам бўлмаган миқдорда ижтимоий солиқни ихтиёрий равишда тўлашлари мумкин.
Ўзбекистон Марказий банки фирибгарлик ҳолатлари кўпайгани сабабли онлайн кредитлар бериш вақтинча мураккаблашгани ҳақида хабар берди. Янги тартиб шубҳали фирибгарлик операцияларининг олдини олишга қаратилган бўлади.
Ўзбекистонда барча транспорт турлари учун чипталарни харид қилиш учун ягона онлайн платформа яратилмоқда. Президент тизимни 2024 йил декабрига қадар жорий этиш бўйича топшириқ берди.
Сентябрь ойидан бошлаб ягона давлат хизматлари портали орқали йўл ҳаракати қоидаларини бузганлик учун белгиланган жарималар устидан электрон тарзда шикоят қилиш мумкин бўлади. Апелляция кўриб чиқилаётган вақтда жаримани чегирма билан тўлаш муддати тўхтатилмайди.
Ўзбекистонда энди уйдан чиқмасдан автомашинани тасарруф этиш (шу жумладан, сотиш, ҳадя, қилиш, айирбошлаш, гаровга қўйиш ва бошқа турдаги тасарруф қилиш) учун нотариусдан ишончнома беришингиз мумкин. Яна иккита нотариал хизмат онлайн форматга ўтказилди.