Senat bogʻlar, skverlar, xiyobonlar va bulvarlarni xususiy mulk qilib berishni taqiqlovchi qonun loyihasini maʼqulladi. Shuningdek, ularning hududlarini qisqartirish va dam olish maskanlarida binolar qurishga taqiq joriy etilmoqda. Qonun madaniy dam olish joylarini saqlab qolishga qaratilgan.
Toshkent aholisi “Anhor-Lokomotiv” bogʻi qurilishi mumkinligidan xavotirda. Ijtimoiy tarmoqlarda uy-joy, mehmonxona va sport majmuasi qurilishi rejalashtirilayotgani haqida maʼlumotlar tarqalib, norozilik toʻlqinini keltirib chiqardi. Deputat Baxtiyor Poʻlatov ushbu loyihalarning qonuniyligini tekshirishni soʻradi, faollar esa yashil hududni saqlab qolish uchun imzo yigʻishni boshladi.
Avvalroq “Moviy gumbazlar” bogʻini saqlab qolgan faollar toʻliq rekonstruksiya qilinishi kutilayotgan “Anhor-Lokomotiv” bogʻini saqlab qolish uchun imzo toʻplash jarayonini tashkil etdi. Aholi hozircha faqat kanal boʻyini turar-joy majmuasi qurilishidan saqlab qolishga muvaffaq boʻldi.
Asosiy voqealardan birinchi boʻlib xabar topish uchun Telegram kanalimizga obuna boʻling.