Бухорода она 4 ёшли боласини узоқ вақтдан бери қийнаб келгани аниқланди

Бухоро вилояти Шофиркон туманида она тўрт ёшли боласини бешикка боғлаб, калтаклаб, таёқ билан қийноққа солган. Болалар омбудсмани вазиятни назоратга олди.

Бухорода она 4 ёшли боласини узоқ вақтдан бери қийнаб келгани аниқланди
Фото: Bolalar ombudsmani

Бухоро вилоятининг Шофиркон туманида она 2018 йилда туғилган боласини қийноққа солиб келгани аниқланди. Маълум бўлишича, у узоқ вақт (2022 йил мартидан 2023 йил ноябригача) болани бешикка боғлаб, калтакланган ва таёқ билан қийноққа солинган. Болалар омбудсманı вазиятни назоратга олди.

Мазкур ҳолат юзасидан аёлга нисбатан Жиноят кодексининг 110-моддаси 2-қисми, «а,в» бандлари (вояга етмаган, ожиз аҳволдалиги аён бўлган шахсни қийнаш) билан жиноят иши қўзғатилган. Ҳозирда Шофиркон тумани ИИБ томонидан дастлабки тергов ҳаракатлари олиб борилмоқда.

Бўлишиш
Юбориш
Твит ёзиш