Ўзбекистонликларни дам олиш кунларида қандай об-ҳаво кутмоқда?

Бугун Ўзбекистон ҳудудига нам ва нисбатан совуқ ҳаво массалари кириб келиши кутилмоқда, республиканинг шарқий ҳудудларида баъзи жойларда ёғингарчилик бўлади. Якшанба куни ҳарорат кўтарилиши айтилган.

Ўзбекистонликларни дам олиш кунларида қандай об-ҳаво кутмоқда?
Sputnik / Стрингер

Республиканинг шарқий ҳудудларида баъзи жойларда ёғингарчилик (ёмғир, қор) бўлади. Ҳаво ҳарорати кундузи 5-10° илиқдан, шимолда 3° совуқ-2° илиқдан юқори бўлмайди.

Эртага фақат Фарғона водийси вилоятларида кечаси ва эрталаб ёмғир ва қор кўринишидаги ёғингарчилик сақланиб туради. Ўзбекистоннинг қолган ҳудудларида ёғингарчиликсиз об-ҳаво кузатилади. Кўпчилик ҳудудларда ҳаво ҳарорати кечаси 0-5° совуққача пасаяди, кундузи 3-8° илиқни, шимолда кечаси 8-13о совуқни, кундузи 0-5° илиқни ташкил этади.

Якшанба куни мамлакатимиз ҳудудида очиқ ва қуёшли об-ҳаво бўлиши кутилмоқда. Ҳарорат кечаси 0-5о совуқ атрофида бўлиши сақланиб туради, кундузи 7-10° илиққача кўтарилади, республика шимолида кечаси 5-10° совуққача, кундузи 2-7° илиққача бўлади.

20-21 январда шимолда ва чўл ҳудудларда баъзи жойларда шамол тезлиги 13-18 м/с гача кучайиши мумкин.

Тошкент ва Наманган вилоятларининг тоғли ҳудудларида ушбу кунларда қор кўчиши хавфи бор.

Пойтахтда: бугун вақти-вақти билан бироз ёғингарчилик (ёмғир, қор) бўлади. Шамол ғарбдан 3-8 м/с тезликда эсади. Ҳарорат кундузи 5-7° илиқдан юқори бўлмайди.

Дам олиш кунлари ёғингарчилик кутилмайди, кечаси ва эрталаб туман тушиши мумкин. Шарқий йўналишдаги шамол тезлиги 3-8 м/с атрофида бўлади. Кечаси ҳаво ҳарорати 1-3° совуққача пасаяди, кундузи 4-7° илиқ атрофида бўлади.

Бўлишиш
Юбориш
Твит ёзиш