«Ёшлар ва тадбиркорликни қўллаб-қувватлаш йили»га бағишланган давлат дастури лойиҳасида ижтимоий ёрдамга муҳтож фуқароларни қўллаб-қувватлаш тизимини такомиллаштириш назарда тутилган.
Хусусан, 2024 йилда ногиронлиги бўлган шахсларга ёрдам кўрсатишнинг янги тизими босқичма-босқич жорий этилади. Улар замонавий протез-ортопедия асбоблари, реабилитация қилишнинг техник воситалари билан таъминланади.
Бундан ташқари, 2024 йил 1 декабрдан бошлаб Тошкент шаҳрида ёлғиз яшовчи, ёлғиз кекса фуқаролар ва ногиронлиги бўлган шахсларга ижтимоий хизматлар кўрсатиш бўйича эксперимент бошланади. Қўллаб-қувватлаш Ижтимоий ҳимоя миллий агентлиги маблағлари ҳисобидан тегишли йўналишда фаолият юритувчи нодавлат нотижорат ташкилотлари орқали амалга оширилади.
Эслатиб ўтамиз, 2024 йил 1 сентябрдан бошлаб ногиронлик тайинланаётганда санаторийда фуқароларни навбатга қўйиш ва ногиронлиги бўлган шахсларга бериладиган имтиёзлар ҳақида маълумот бериш таклиф этилмоқда.
2024 йилдан ногиронлиги бор шахсларни протез билан таъминлаш бошланади
Жорий йилда Ўзбекистонда ногиронлиги бўлган шахсларни протез ва реабилитация қилишнинг техник воситалари билан таъминлаш дастури босқичма-босқич жорий этилади.
![2024 йилдан ногиронлиги бор шахсларни протез билан таъминлаш бошланади](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F02%2F6c39b3dcc64b1108e09747ae37572dad.jpg&w=1536&q=75)