Ҳодиса Тошкент шаҳрида 52-сонли йўналишли автобусда содир бўлган. Аёл ва унинг 13 ёшли қизи олд эшикдан автобусга чиқишга уринган, бироқ ҳайдовчи муддатидан олдин ҳаракатланган ва қиз йиқилиб тушишига оз қолган. Бундан ташқари, у қизни эшик билан қисиб қўйган, кейин эса уни очиб, яна ёпиб, онасини ҳам қисиб қўйган.
Ҳайдовчининг сўзларига кўра, у олд эшикдан кириб келаётган йўловчиларни кўрмаган. Она ва қиз елкаси ва қўлидан жароҳат олган.
Маълумотларга кўра, 2 февраль куни 52-йўналиш ҳайдовчиси билан тузилган меҳнат шартномаси йўловчилар тан жароҳати олгани ва ҳайдовчи ўз хизмат вазифасини суиистеъмол қилгани сабабли бекор қилинган.
Ҳайдовчилар билан ҳам профилактика ишлари олиб борилиб, уларнинг вазифаси йўловчиларни хавфсиз ташиш ва манзилига етказиш, уларга хушмуомалалик билан муносабатда бўлиш эканлиги тушунтирилди.
Ўз навбатида «Тошшаҳартрансхизмат» ҳайдовчилар устидан назоратни кучайтиришини маълум қилди.
Автобус салонига киришда она ва боланинг жароҳатланишига сабаб бўлган ҳайдовчи ишдан олинди
Ижтимоий тармоқларда 1 февраль Тошкент шаҳрида 52-сонли автобус ҳайдовчиси автобусни қўпол равишда бошқариши оқибатида йўловчи аёл ва унинг қизи тан жароҳати олгани ҳақида хабар тарқалди. Ҳайдовчи шу сабабли ишдан олинди.
![Автобус салонига киришда она ва боланинг жароҳатланишига сабаб бўлган ҳайдовчи ишдан олинди](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F02%2Fphoto_2024-02-02_12-21-26.jpg&w=1536&q=75)