Ўзбекистон ҳақидаги шу номдаги қўшиқ бир-икки кун ичида 60 мингдан ортиқ марта кўрилди. Гуруҳнинг қўшиқдаги асосий хабари шундаки, мусиқачилар Ўзбекистонни «қароқчилар мамлакати» деб аташади.
Қўшиқ қуйидаги сўзлар билан бошланади:
«Мен асрлар давомида денгизларда сузиб юрганман,
Мангу қуёш мамлакатига.
Тишсиз оғзи билан жилмайиб,
Қўлсиз йигит унинг исми Ўзбекистон эканини айтди.
У йўл кўрсатиши мумкинлигини айтди
Бироқ тўлов керак бўлади».
Кейинги қаторларда Alestorm «Регистон тубида улар олтин ўғирлаб, ром ичишгани» ҳақида куйлайди.
Тўлиқ хор қуйидагича таржима қилинади:
«Ўзбекистон қароқчиларига олға,
Тез қумли денгизларда саёҳат!
Кружкаларингизни осмонга кўтаринг ва айтинг:
Ўзбекистон — қароқчилар давлати!
Ўзбекистон қароқчиларига олға
Орол денгизидан Самарқандгача!»
Шу билан бирга, воқеа кимнинг шахсидан — шотландлар номидан (асли шотландиялик бўлган гуруҳ — таҳр.) ёки Буюк Британиядан айтилгани аниқ эмас.
Охирида мусиқачилар Ўзбекистонга ҳеч қачон у ерда етиб бормаслиги ҳақида куйлашади, чунки улар тақиқланган.
«Биз Ўзбекистонга ҳеч қачон бора олмаймиз
Афсуски, бизни тақиқлашди.
Президентга бу қўшиқ ёқмади
Биз тонг отганда ўлимга маҳкум бўлдик», — дейилади қўшиқда.
https://www.youtube.com/watch?v=1TX627RTMqg
Эслатиб ўтамиз, гуруҳ аввалроқ Мексика ва Бразилия ҳақида иккита қўшиқ чиқарган эди.
Alestorm — Шотландиянинг Перт шаҳридаги фолк/пауэр-метал-гуруҳи. Alestorm қўшиқлари қароқчиларга бағишланган ва улар ўзларининг мусиқаларини «True Scottish Pirate Metal» деб аташади.