Нашрнинг таъкидлашича, ҳуқуқ-тартибот ходими видеони ўчириб ташлашни қатъий талаб қилган ва жамоани милиция бўлимига олиб бориш билан таҳдид қилган.
«Ўзини таништиришни истамаган ходим хизмат формасида бўлмаган, Миллий гвардияда ишлашини айтиб, мухбирдан тегишли ҳужжатларни талаб қилган», — дейилади хабарда.
Ҳуқуқ-тартибот идораси ахборот хизматининг хабар беришича, видеодаги журналистлар бир кун аввал ушбу бозорда Миллий гвардиянинг сохта ходими қўлга олингани учун ўз ҳужжатларини ходимга кўрсатмаган.
Ҳозирда вазият ўрганилмоқда.
Таъкидлаш жоизки, журналистга босим ўтказиш, унинг касбий фаолиятига аралашиш учун давлат органлари, фуқароларнинг ўзини ўзи бошқариш органлари, жамоат бирлашмалари, корхона, муассаса ва ташкилотларнинг мансабдор шахслари жавобгардир.
Ўзбекистон қонунчилигида бозорлар ҳудудида фото ва видео суратга олишга ҳеч қандай чекловлар мавжуд эмас.
Агар бундай чекловлар бозорлар маъмурияти томонидан қонуний ёки давлат органларининг қарорларига мувофиқ киритилган бўлса, ушбу ҳужжатлар ҳар қандай фуқаро кўриши учун кўринадиган жойга жойлаштирилиши керак.