Қозоғистоннинг Ақтўбе вилоятида микроавтобус ва юк машинаси иштирокида ЙТҲ содир бўлиб, 8 нафар Ўзбекистон фуқароси ҳалок бўлди, деб хабар берди Policia.kz.
Ҳодиса 3 апрель куни Самара-Чимкент автомобиль йўлининг Маржонбулоқ қишлоғи яқинида содир бўлган. Юк машинасининг шинаси ҳаракатланаётганда ёрилиб кетган, ҳайдовчи бошқарувни йўқотиб, қарама-қарши йўналишдаги ҳаракатга чиқиб кетган ва шу ерда тўқнашув содир бўлган.
Мазкур ҳолат юзасидан терговга қадар текширув ишлари бошланган. Тегишли экспертизалар тайинланган.
Ўзбекистон Фавқулодда вазиятлар вазирлиги матбуот хизматининг хабар беришича, президент топшириғига биноан Қозоғистонда ҳалок бўлган Ўзбекистон фуқароларининг жасадларини етказиб бериш, уларни дафн этиш ишларини ташкил этиш бўйича ҳукумат комиссияси тузилган.
Қозоғистондаги ЙТҲда ҳалок бўлган Ўзбекистон фуқароларининг жасади ҳарбий самолётда ватанга олиб келинади
Қозоғистоннинг Ақтўбе вилоятида қарама-қарши йўлга чиқиб кетган юк машинаси билан тўқнашиб кетиши оқибатида саккиз нафар Ўзбекистон фуқароси ҳалок бўлди. Ҳалок бўлганларнинг жасадлари Мудофаа вазирлиги ҳарбий самолётида ватанга қайтарилади.
![Қозоғистондаги ЙТҲда ҳалок бўлган Ўзбекистон фуқароларининг жасади ҳарбий самолётда ватанга олиб келинади](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F04%2Fxewe7x17121571234353_b.jpg&w=1536&q=75)