11 март куни Янгиҳаёт тумани «Янги Дарҳон» маҳалласида жойлашган «Кинг Ҳоусе» МЧЖ қурувчи ширкати қурилиш майдонида фожиали воқеа юз берди, деб хабар берди Взгляд.uzʼга Бош прокуратура матбуот котиби Ҳаёт Шамсутдинов.
Мазкур муассасада ишловчи 2001 йилда туғилган фуқаро Б. Ш. 14-қаватдан йиқилиб, олган тан жароҳатлари туфайли воқеа жойида вафот этган.
Суд-тиббий экспертизасининг дастлабки хулосасига кўра, ўлимга очиқ бош мия жароҳати, бош суягининг синиши, умуртқа поғонаси ва орқа миянинг ёпиқ жароҳати, кўкрак умуртқаларининг синиши, ўпканинг ёрилиши, ташқи ва ички қон кетиши сабаб бўлган.
Ҳозирда мазкур ҳолат юзасидан Тошкент шаҳар прокуратураси томонидан тергов ҳаракатлари олиб борилмоқда.
