Президент Шавкат Мирзиёев 19 март куни Тошкент йўловчи вагонларни қуриш ва таъмирлаш заводига ташриф буюрди, дея хабар бермоқда давлат раҳбари матбуот хизмати.
Ташриф чоғида президентга Тошкент ва Хива ўртасида тезюрар поезд қатновини йўлга қўйиш режалаштирилаётгани ҳақида маълумот берилди (бу ҳақда давлат раҳбари 2022 йилда Хоразмда Жалолиддин Мангуберди ҳайкали очилиш маросимида маълум қилган эди).
Бу учун Жанубий Кореянинг Hyundai Rotem компаниясидан юқори тезликдаги электропоезд олиб келиниши мўлжалланган. 7 вагонга эга электропоезд 351 та ўриндиққа эга бўлади.
Президент «Ўзбекистон темир йўллари» тизимига ўтказилгандан сўнг модернизация қилинган Тошкент чизиқли механика заводида ҳам бўлди. Корхона йилига олти турдаги 1200 дона юк вагонларини ишлаб чиқариш, шунингдек, 1500 та вагонни таъмирлаш имкониятига эга.
Корхонада 26 та цех — автомобилсозлик, механик йиғиш, ғилдирак, таъмирлаш, пресслаш ва бошқа цехлар мавжуд. Асосийларидан бири 120 миллион долларлик эҳтиёт қисмлар ишлаб чиқарадиган янги қуйиш заводи бўлди.
Hyundai Rotem Hyundai Motor Group таркибига киради. 1979 йилда ташкил этилган. Ўшандан бери у поездлар ва трамвайларнинг етакчи етказиб берувчиларидан бири ҳисобланади. Компаниянинг поездлари 50 дан ортиқ мамлакатларда, жумладан АҚШ, Янги Зеландия, Австралия ва Канадада қўлланилади. Марказий Осиёда Ҳюндаи Ротем маҳсулотлари Қозоғистон томонидан қўлланилади.
