Тошкентда жамоат транспортини бошқаришнинг интеллектуал тизими жорий этилади

2024 йил ёзида Тошкент шаҳрида жамоат транспортини бошқаришнинг ягона интеллектуал тизими иш бошлайди.

Тизим қуйидагиларни амалга оширади:

• автобус йўналишларида йўловчилар оқимини ҳисобга олиш;


• ҳайдовчиларнинг ишини ва пул оқимини назорат қилиш;


• автобусларнинг техник ҳолатини назорат қилиш;


• ажратилган бўлакларда йўл ҳаракати қоидаларини бузиш ҳолатларини қайд этиш.

Тошкент шаҳрида 2024 йилнинг 1 июнига қадар йўл ҳақини электрон тўлаш тизимидан фойдаланувчи йўловчилар учун чегирмалар ва бонуслар тизими ишлаб чиқилади.

Ташувчилар билан ҳисоб-китобларни амалга ошириш, йўлкира ҳақи бўйича тушумларни жамлаш учун жойлардаги транспорт бошқармаларида юридик шахс ташкил этмасдан очилган махсус жамғармалар Иқтисодиёт ва молия вазирлигининг ҳудудий бошқармалари тизимига ўтказилади.