4 апрель куни FIFA терма жамоалар рейтингини янгилади. Маълумотларга кўра, Ўзбекистон терма жамоаси 2 поғонага кўтарилиб, 64-ўринда жойлашган.
Миллий терма жамоа Осиёда Япония (18), Эрон (20), Жанубий Корея (23), Австралия (24), Қатар (34), Саудия Арабистони (53) ва Ироқ (58)дан кейин 8-ўринни эгаллаб турибди. Ўзбекистон 15 февралдан 4 апрелга қадар ФИФА рейтингида 10,08 балл тўплаган.
Рейтингда Аргентина, Франция ва Бельгия терма жамоалари етакчилик қилмоқда. Кучли ўнталикка Англия, Бразилия, Португалия, Голландия, Испания, Италия ва Хорватия ҳам кирган.
Сўнгги бир ой ичида Ўзбекистон жаҳон чемпионати саралаш турнирида Гонконг термасини икки марта (0:2, 3:0) мағлуб этди. Жамоа навбатдаги саралаш ўйинларини июнь ойида Туркманистон ва Эронга қарши ўтказади.
Ўзбекистон терма жамоаси FIFA рейтингида икки поғонага кўтарилди
Футбол бўйича Ўзбекистон миллий терма жамоаси FIFA рейтингида 2 поғонага кўтарилиб, 64-ўринни эгаллади. Айни пайтда жамоа Осиёда 8-ўринни эгаллаб турибди. Рейтингда Аргентина, Франция ва Бельгия терма жамоалари етакчилик қилмоқда.
![Ўзбекистон терма жамоаси FIFA рейтингида икки поғонага кўтарилди](/_next/image?url=https%3A%2F%2Fvzglyad.uz%2Fwp-content%2Fuploads%2F2024%2F04%2Fs7wlzm17122216147296_l.jpg&w=1536&q=75)