2023 йилдан то шу кунгача Ўзбекистонда овқатдан заҳарланиш оқибатида 10 киши ҳалок бўлди, 700 дан ортиқ фуқаро тан жароҳати олди. Бу ҳақда Санитария-эпидемиология қўмитаси хабар берди.
Қайд этилишича, ўтган йили мамлакатимизда овқатдан заҳарланиш билан боғлиқ 61 та ҳолат қайд этилган. Оқибатда 507 киши жабрланган, улардан 133 нафари болалар.
Тўққиз киши заҳарланиш натижасида вафот этди:
етти нафар фуқаро уй консерваларини истеъмол қилиш натижасида вафот этган;
бир фуқаро қўзиқоринлардан заҳарланган;
бир бола пестицидлар сепилган мевани истеъмол қилгандан кейин вафот этган.
2024 йилда овқатдан заҳарланишнинг 23 та ҳолати қайд этилган бўлиб, уларда 223 киши, жумладан, 49 нафари болалар жабрланган. Ўлимга олиб келадиган қўзиқоринлардан заҳарланиш ҳолати ҳам қайд этилган.