Анқара шаҳрида Ўзбекистон президенти Шавкат Мирзиёев ва Туркия президенти Ражаб Тоййиб Эрдўғоннинг учрашуви бўлиб ўтди. Давлат раҳбарлари товар айирбошлаш ҳажмини 5 миллиард долларга етказиш ва Истанбулда Ўзбекистоннинг савдо ваколатхонасини очишга келишиб олди.
Бугундан иш бошлайдиган Ўзбекистон–Туркия ишбилармонлар кенгаши ҳам тузилди.
Давлат раҳбарлари Ўзбекистон ва Туркия ўртасидаги сиёсат, иқтисодиёт ва маданият соҳаларида ҳамкорликни кенгайтириш масалаларини муҳокама қилдилар. Бундан ташқари, йиғилиш иштирокчилари қишлоқ, сув хўжалиги ва рақамлаштириш бўйича биргаликдаги саъй-ҳаракатларни, шунингдек, хавфсизлик ва мудофаа масалаларини муҳокама қилди.
Таълим, соғлиқни сақлаш, туризм ва спорт соҳаларидаги алмашинувларга алоҳида эътибор қаратилди.