11 август куни Париж шимолидаги «Стад де Франс» стадионида 2024 йилги Олимпиада ўйинларининг ёпилиш маросими бўлиб ўтди. Турнирда Ўзбекистон 13 та медални қўлга киритди, улардан 8 таси олтин, 2 таси кумуш ва 3 таси бронза.
30 даража иссиққа қарамай, Олимпиадани томоша қилиш учун 71,5 минг томошабин келди, тантанали маросимга 2024 йилги Олимпиада ўйинларида қатнашган 200 дан ортиқ давлатдан 9 минг нафар спортчи ва қўллаб-қувватловчи жамоалар аренанинг ўзида йиғилди.
Ўзбекистон байроғини таэквондо бўйича икки карра Олимпиада чемпиони Улуғбек Рашитов кўтарди.
Ўзбекистон учун ўйинлар тарихий натижа билан якунланди. Ўзбекистон 206 давлат орасида 13-ўринни эгаллади.
Олтин медалларни дзюдочи Диёра Келдиёрова — 52 кг, таэквондочи Улуғбек Рашитов — 68 кг, эркин кураш бўйича Разамбек Жамолов — 74 кг ва боксчилардан Ҳасанбой Дўсматов — 51 кг, Абдумалик Ҳалоков — 57 кг, Асадхўжа Мўйдинхўжаев — 71 кг, Лазизбек Мулложонов — 92 кг ва Баҳодир Жалолов — 92 кг қўлга киритди.
Акбар Жўраев (оғир атлетика, -102 кг) ва Светлана Осипова (таэквондо WТ, +67 кг) кумуш медални қўлга киритди.
Бронза медалларини Музаффарбек Тўрабоев (дзюдо, -100 кг), Алишер Юсупов (дзюдо, +100 кг) ва Ғуломжон Абдуллаев (эркин кураш, -57 кг) қўлга киритди.
Маросим чоғида Париж мери Анн Идальго Олимпия байроғини Лос-Анжелеслик ҳамкасби Карен Бассга топширди. Калифорния мегаполиси 2028 йилда навбатдаги ёзги Олимпия ўйинларига мезбонлик қилади.
