Ўзбекистонда 2025 йилдан бошлаб миллий вақт шкаласи – UTC(УЗ) жорий этилиши режалаштирилмоқда. Вазирлар Маҳкамасининг «Ўзбекистон Республикасида вақт ва частоталар хизмати фаолиятини самарали ташкил этиш чора-тадбирлари тўғрисида»ги қарори қабул қилинди.
Метрология институтида янги вақт ва частота хизмати яратилади. Бу турли давлат идоралари ва ташкилотларига аниқ вақт маълумотларини тақдим этади. Ушбу хизмат «Ўзтелеком» билан давлат-хусусий шериклик (ДХШ) доирасида тақдим этилади.
ДХШ шартларига кўра, давлат органлари ва бошқа ташкилотларга аниқ вақтни тақдим этиш пуллик бўлади. Шу билан бирга, тушган маблағнинг 90 фоизи «Ўзтелеком»га юборилади.
