Тошкент халқаро аэропортида реконструкция ишларининг янги босқичи бошланди, деб хабар берди Uzbekistan Airports.
Пойтахт аэропортини кенг кўламли реконструкция қилиш доирасида учиб келиш залини кенгайтириш ишлари бошланди. Бу ҳафта терминалнинг чап томонига чиқиш вақтинча ёпилди - энди келганлар бинони марказий чиқиш орқали тарк этишади.
Йўловчилар ва ходимларнинг хавфсизлиги учун иш зонасида вақтинчалик соябон ўрнатилади. Шу билан бирга, кутиб олувчилар зонаси одатий режимда ишлашда давом этади.
Лойиҳа олд томонини олдинга суриш орқали учиб келиш зали майдонини 2500 квадрат метрга оширишни назарда тутади. Ҳозир терминалнинг майдони 5300 квадрат метрни ташкил этади. Шунингдек, иккита қўшимча юк каруселини ўрнатиш ва терминал ичида кутиб олувчилар учун кенг ҳудуд яратиш режалаштирилган.
Ишлар 2025 йил май ойида якунланиши режалаштирилган. Шундан сўнг, учиш ва келиш терминалларини соатига 2400 йўловчини ўтказиш қобилиятига эга ягона комплексга бирлаштирадиган реконструкция қилишнинг якуний босқичи бошланади.
