Dekabr oyining birinchi oʻn kunida Yandex Go platformasida yoʻlovchi tashish xizmatlari narxlarining oshgani kuzatilmoqda, deb xabar beradi qoʻmita matbuot xizmati.
Yandex Go platformasi xizmatlari narxlari monitoringi davomida narxlar dinamikasida keskin oʻzgarishlar aniqlandi.
Qoʻmita Yandex Go tariflarini monopol darajada yuqori deb topdi. Bu qonun bilan taqiqlangan boʻlib, kompaniya bozorda ustun mavqega ega. Amaldagi qonunchilikka koʻra, xoʻjalik yurituvchi subyektning ustun mavqeini suiisteʼmol qilish, shu jumladan monopol yuqori narxlarni belgilash taqiqlangan.
“Yuqoridagilardan kelib chiqib, Raqobat qoʻmitasi YANDEXGO UB MCHJni yoʻlovchi tashish xizmatlari narxlarini pasaytirish choralarini koʻrish va platformaning narx belgilash algoritmini qayta koʻrib chiqish zarurligi haqida ogohlantirdi”, — deyiladi xabarda.
