12-dekabr kuni BMT Hukumatlararo komissiyasining Global xavfsiz turizm kodeksini ishlab chiqishga bagʻishlangan birinchi majlisi oʻtkazildi. Ushbu hujjat sayyohlar xavfsizligini taʼminlash va sohani barqaror rivojlantirishga qaratilgan xalqaro standartlar uchun asos boʻladi.
Uchrashuv doirasida 50 ta davlat va BMT Turizm tashkiloti vakillari boʻlajak kodeksning asosiy jihatlarini muhokama qildilar hamda uning mamlakatlarni sayohat xavfsizligi sohasidagi zamonaviy tahdid va xatarlarga moslashtirishdagi ahamiyatini taʼkidladilar.
Majlis yakunida Oʻzbekistonni komissiya raisi etib tayinlash toʻgʻrisida bir ovozdan qaror qabul qilindi. Bu esa mamlakatning xalqaro turizm sohasidagi hamkorlikdagi oʻrni tobora ortib borayotganini koʻrsatadi.
