Toshkent viloyatidagi Lion Park kontakt hayvonot bogʻida sherlar qoʻriqchini oʻldirib, tilka-pora qilgani haqida xabarlar tarqaldi
Bosh prokuratura matbuot xizmati hodisa 17-dekabr kuni soat 05:00 atrofida sodir boʻlganini maʼlum qildi. Uchta arslon bitta voler ichida ochiq eshikdan tashqariga chiqishga urindi. Qoʻriqchi nima boʻlayotganini payqab, yirtqichlarni qafasga qaytarishga urindi.
Erkak uchta sherni jilovlay olmadi, yirtqichlar uni oʻldirishdi, keyin esa tana qismlarini yirtishdi va yeyishdi. Ikki yirtqichni trankvilizatorlar yordamida qafasga qaytarishga muvaffaq boʻlishdi, uchinchi sherni mahalliy ovchi oʻldirishga majbur boʻldi.
Holat yuzasidan Parkent tumani prokuraturasi Tergov-tezkor guruhi, Ekologiya va atrof-muhitni muhofaza qilish vazirligi hamda Toshkent hayvonot bogʻi mutaxassislari tomonidan tegishli nazorat-tergov tadbirlari oʻtkazilmoqda.
