E’lon qilingan ro‘yxatga ko‘ra, klassik shaxmat bo‘yicha 2024 yilgi jahon chempioni hindistonlik Gukesh Dommaraju bo‘lib, u 1 577 842 dollar ishlab topgan. Ikkinchi o‘rinda Din Lijen 1 183 600 dollar bilan, uchinchi o‘rinda esa Magnus Karlsen 639 369 dollar bilan.
Qayd etilishicha, o‘zbekistonlik Nodirbek Abdusattorov o‘tgan 2024-yilda 132 981 dollar ishlab, dunyoning eng ko‘p maosh oluvchi shaxmatchilari ro‘yxatida 12-o‘rinni egallagan.
Eslatib o‘tamiz, Abdusattorov bu summani o‘tgan yili 12 ta nufuzli turnirda ishtirok etib ishlab topgan edi. Bundan tashqari, Nodirbek joriy yilning 17 yanvar kuni Niderlandiyaning Veyk-an-Zey shahrida start oladigan "Tata Steel Chess-2025" turnirida ishtirok etishga tayyorgarlik ko‘rmoqda.
