Россия Давлат думаси депутатлари «болалар туғилишидан онгли равишда воз кечишни тарғиб қилувчи» ахборотни тарқатишни чекловчи қонун ўзгаришларини қабул қилди. Қоидабузарларга катта миқдорда жарима солиш, хорижликларга эса мамлакатдан чиқариб юбориш жазоси белгиланган.
Ўзбекистонда ёввойи ҳайвонларни тутқунликда сақлаш тақиқланди. Рўйхатга 500 дан ортиқ ёввойи ҳайвонлар, жумладан, илонлар, акулалар, йўлбарслар, шерлар, бўрилар ва шимпанзеларнинг барча турлари ва кенжа турлари киритилган.
Ўзбекистонда ёввойи ҳайвонларни уй хўжалигида, ярим эркин шароитларда, сунъий яшаш муҳитида ёки асирликда сақлаш масаласи тартибга солинади. Президент тегишли ҳужжатлар лойиҳаларини пухта тайёрлаш ва уларнинг самарали ижросини таъминлаш бўйича кўрсатма берди.
Ташқи меҳнат миграцияси агентлиги Россияга кетаётган Ўзбекистон фуқароларига мурожаат қилди. Юртдошлардан хавфсизлик талабларини инобатга олиш ва кириш тақиқларини текширишни унутмаслик сўралган.
Туркиянинг Ўзбекистондаги элчиси Туркияга кириши тақиқланган Ўзбекистон фуқаролари сони ортганини маълум қилди. Олган Бекарнинг қўшимча қилишича, шунга қарамай Туркияга ташриф буюришни хоҳловчилар оқими камаймаяпти.
Тожикистон Ташқи ишлар вазирлиги ўз фуқароларига зарурат бўлмаса, Россия ҳудудига барча турдаги транспортларда саёҳат қилишдан вақтинча тийилишни тавсия қилди.
Россия Федерациясининг Камчатка ўлкаси губернатори Владимир Солодов патент асосида ишлаётган мигрантларга бутун минтақа бўйлаб таксида ишлашни тақиқлади. Илгари 10 та ҳудудда айрим ҳудудларда меҳнат мигрантлари учун чекловлар қабул қилинганди.
Asosiy voqealardan birinchi boʻlib xabar topish uchun Telegram kanalimizga obuna boʻling.