Дам олиш кунларида «супер оғир вазн» тоифасидаги америкалик боксчи Жаред Андерсон (17-0, 15 КО) профессионал рингдаги навбатдаги ғалабасини нишонлади. Гарчи у ишончли ғалаба қозонган бўлсада, мухлислар ва мутахассислар бундан ҳайратда қолишмади. бельгиялик Риёд Мерхи (32-3, 26 КО) билан жанг 2024 йилнинг энг ёмон жанги номига даъвогарлик қилмоқда.
Жанг арафасида Андерсон рингдаги ҳамкасбларидан қайси бири тез орада оғир вазн тоифасида етакчилик қилишини маълум қилди. Бугунги кунда Тайсон Фьюри, Александр Усик ва Энтони Жошуа энг яхши боксчилар саналади.
Жаред Андерсоннинг сўзларига кўра, уларнинг давомчиларидан бири ўзбекистонлик Баҳодир Жалоловдир.
«Буни айтиш қийин, чунки бу эрда битта ўтказиб юборилган зарба кимдир карьерасини тугатишига сабаб бўлиши мумкин. Жуда қийин. Аммо бир нечта маҳоратли жангчилар бор. Джастис Хуни, бор масалан. Менимча, у жуда маҳоратли, шунинг учун у нимага эриша олишини кўрамиз. Баҳодир Жалолов ҳам зўр. Уни йўлдан олиб ташлаш осон эмас. Аммо унинг қўл қалқонини ёриб ўта олсангиз, жанг қилиш жуда осон кечади», — дейди Андерсон.
Аммо Андерсон Дэниел Дюбуадан мамнун эмас:
«Менимча, у юқори ўринларга яқин жойда бўлади. Лекин топда эмас. Унинг ҳаракатлари роботга ўхшайди. Оғир карвон. У айнан шу жиҳатини яхшилаши керак. Унда мослашувчанлик йўқ. Аммо у кучли жангчи, демак, кўрамиз», — дейди боксчи.
