Шаҳрисабзда (Қашқадарё вилояти) Damas ҳайдовчиси пиёдалар ўтиш жойида 1-синф ўқувчисини уриб юборди, деб хабар берди вилоят мактабгача таълим ва мактаб таълими бошқармаси матбуот хизмати.
Бахтсиз ҳодиса 19 апрель куни соат 12:35 атрофида содир бўлган. Damas ҳайдовчиси катта тезликда ҳаракатланиб, уйи ёнидаги пиёдалар ўтиш жойида йўлни кесиб ўтаётган 1-синф ўқувчиси О.И.ни уриб юборган.
Бола тез ёрдам бўлимига олиб борилган. Унга кўрсатилган биринчи тиббий ёрдамга қарамай, вафот этди.
Ҳолат юзасидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳайдовчи ушланган.
