Янгиликдан 18 ёшгача фарзанди бор кам таъминланган оилалар фойдаланиши мумкин бўлади. Ушбу нафақа бола 18 ёшга тўлгунга қадар, моддий ёрдам эса 6 ой давомида тўланади.
Қайд этилишича, болалар нафақаси ва моддий ёрдам миқдори қонун билан белгиланади.
Ариза бериш учун сиз веб-сайтда рўйхатдан ўтиш, хизматни танлаш ва шаклни тўлдириш керак. Хизмат бепул ва Президент ҳузуридаги Миллий ижтимоий ҳимоя агентлиги томонидан тақдим этилади. Ижтимоий ҳимоя тизимининг ягона реэстри аризани кўриб чиқади.
«Ариза берувчи оиласининг ҳар бир аъзосига тўғри келадиган даромад миқдори аниқланади ва белгиланган мезонларга мослиги солиштирилади. Шундан сўнг ижтимоий нафақани тайинлаш ёки тайинлашни рад этиш тўғрисида қарор қабул қилинади. Ва ариза жавоби мй.гов.уз орқали юборилади», — дейилади хабарда.
