Иқтисодий тадқиқотлар ва ислоҳотлар маркази (ИТИМ) автомобиль бозори ҳақидаги ҳисоботини эълон қилди. Ҳисоботга кўра, ойлик ўсиш суръатларига қарамасдан, йиллик автомобиль савдоси, айниқса, хорижий енгил автомобиллар сегментида 46,5%га пасайиш кузатилмоқда.
Июль ойи якунларига кўра, республикада автотранспорт воситаларининг умумий савдоси 17,4 фоизга ўсиб, деярли 102 минг донага етди. Йилдан кўрсаткичда фаоллик 29,4%га камайди.
Иккиламчи бозорда битимлар сонининг ўсиши кузатилмоқда, аммо умумий тенденция савдо ҳажмининг пасайишини кўрсатади.
Енгил автомобиллар савдоси 18,6% га ошиб, 92 минг донани ташкид этди. Йил давомида енгил автомобиллар бозори ҳам пасайиб, сотувлар 30%дан кўпроқ камайди.
Ҳудудлар бўйича июль ойида енгил автомобиллар савдосининг энг кўп ўсиши Наманган, Қашқадарё ва Андижон вилоятларида қайд этилди – мос равишда 52%, 36% ва 29%.
Бирламчи енгил автомобиль бозорида июль ойида савдолар ўтган ойга нисбатан 17 фоизга ошди. Бироқ ўтган йилга нисбатан фаоллик 12 фоизга пасайган.
Енгил автомобиллар савдосининг ҳудудий динамикаси шуни кўрсатадики, июль ойида энг катта ўсиш Наманган, Қашқадарё ва Андижон вилоятларида кузатилганлигини кўрсатмоқда, ушбу вилоятларда ўсиш мос равишда 52%, 36% ва 29%ни ташкил этди.
Электр автомобиллар бозори йил сайин ва ойма-ой ижобий ўзгаришларни кўрсатмоқда.
Июль ойида енгил электромобиллар сегменти савдоларнинг ўсишини кўрсатди. Сотиш ҳажми 3,4 минг донани ташкил этди, бу июнь ойига нисбатан 390 дан ортиқ автомобилга кўп. Шу билан бирга, ўтган йилнинг июль ойи даражасига нисбатан электромобиллар савдоси 28% га ошди.
Шунингдек, бир йил давомида ишлатилган электр транспорт воситаларининг савдоси уч баробарга ошгани қайд этилган.
