Тадбиркорлар билан ҳар йили ўтказиладиган очиқ мулоқотда саноат корхоналарини қўллаб-қувватлаш бўйича янги чора-тадбирлар белгиланди, деб хабар бермоқда президент матбуот хизмати.
Йиғилишда тадбиркорлар электр ва газ учун белгиланган лимитдан ошиб кетса, икки баравари миқдорида ундирилаётганидан норозилигини билдирди.
Энди саноат ўсишига таъсир қилувчи бундай чекловлар камаяди. Хусусан, электр ва газ истеъмоли лимитдан 20 фоизгача ошиб кетган тақдирда ҳам базавий тариф ўзгаришсиз қолади. Агар истеъмол 20% дан ошса, ортиқча тўлов 20% га ошади.
«Юқори» ёки «ўрта» деб баҳоланган корхоналарга электр энергияси учун тўловни бир ой давомида икки бўлиб тўлашга рухсат берилади.
Бундан ташқари, тадбиркорларнинг ҳисобварақларига инкассо қилинган тақдирда ҳам коммунал тўловларни тўлашига рухсат берилади. Айни пайтда кредитлар бўйича қарзи ва бошқа мажбуриятлари бўлган тадбиркорлар электр энергияси, газ ва сув учун тўлай олмаяпти.
Бу корхонага ишлаб чиқаришни тўхтатмаслик ва қарзни тезроқ қайтариш имконини беради.
