25 август куни Ички ишлар вазирлиги вакиллари Россия Федерациясининг турли ҳудудларида қаровсиз қолган 31 нафар болани Ўзбекистонга қайтарди. Бу ҳақда Болалар омбудсмани матбуот хизмати хабар берди.
13 нафар бола Санкт-Петербургдан, 9 нафари Москвадан, 8 нафари Новосибирскдан, бир нафари Қозондан қайтарилган.
Ўзбекистон Болалар ҳуқуқлари бўйича вакилнинг илтимосига кўра, Россия Федерацияси Болалар ҳуқуқлари бўйича вакил томонидан тезкор чора-тадбирлар кўрилди, бу болалар ўз ватанига қайтгунга қадар бўлиши учун зарур ёрдам кўрсатилиб, қулай ва муносиб шароитлар яратилди.
